ఆంధ్రప్రదేశ్ రాజకీయాల్లో కీలక పరిణామం చోటుచేసుకుంది. స్థానిక సంస్థల్లో వెనుకబడిన తరగతులకు (బీసీ) కల్పించిన 34 శాతం రిజర్వేషన్‌ను రాష్ట్ర హైకోర్టు కొట్టివేసింది.
రాజ్యాంగం నిర్దేశించిన మొత్తం రిజర్వేషన్ పరిమితిని మించి కోటా కల్పించడం చెల్లదని కోర్టు అభిప్రాయపడింది. అదే సమయంలో ఆరు వారాల్లోగా స్థానిక సంస్థల ఎన్నికలు నిర్వహించాలని రాష్ట్ర ఎన్నికల సంఘాన్ని ఆదేశించింది.
ఈ తీర్పుతో రాష్ట్రంలో పంచాయతీ, మున్సిపల్ ఎన్నికల ప్రక్రియ వేగవంతం కానుంది. తీర్పుపై రాజకీయ పార్టీల నుంచి భిన్న స్పందనలు వ్యక్తమవుతున్నాయి.
