యూనియన్ పబ్లిక్ సర్వీస్ కమిషన్ (యూపీఎస్సీ) శతాబ్ది వేడుకల్లో ప్రధాని నరేంద్ర మోదీ ప్రసంగించారు. అధికార పదవుల పట్ల ఆకర్షణ కాకుండా ప్రజాసేవ పట్ల నిబద్ధత ఉన్న యువతను సివిల్ సర్వీసుల్లోకి తీసుకురావాల్సిన అవసరం ఉందని అన్నారు.
నియామక ప్రమాణాలు, ఎంపిక ప్రక్రియలో సంస్కరణల ఆవశ్యకతను ఆయన ప్రస్తావించారు. పరిపాలనలో సాంకేతికత, పారదర్శకత పెరగాలని సూచించారు.
తెలుగు రాష్ట్రాల నుంచి ఏటా వేలాది మంది సివిల్ సర్వీసుల కోసం సిద్ధమవుతున్నారు.
