ఓటరు జాబితా సవరణ ప్రక్రియపై బీఆర్ఎస్ వర్కింగ్ ప్రెసిడెంట్ కె.టి. రామారావు ఎన్నికల సంఘం తీరును తప్పుపట్టారు. ఓటర్ల పేర్ల తొలగింపులో పారదర్శకత లేదని ఆరోపించారు.
కాంగ్రెస్, బీజేపీ, ఎన్నికల సంఘం మధ్య కుమ్మక్కు ఉందని ఆయన విమర్శించారు. ఎస్ఐఆర్ ప్రక్రియలో పేద, గ్రామీణ ప్రాంత ఓటర్లు నష్టపోయే ప్రమాదం ఉందని పేర్కొన్నారు.
మరోవైపు బీఆర్ఎస్ నేతలు మూడు థర్మల్ విద్యుత్ కేంద్రాలను సందర్శించి బొగ్గు నిల్వలు, ఉత్పత్తి సామర్థ్యాన్ని పరిశీలించారు. బొగ్గు కొరత, విద్యుత్ కోతలతో రైతులు ఇబ్బంది పడుతున్నారని ఆరోపించారు.
