వ్యవసాయ రంగంలో కృత్రిమ మేధ వినియోగానికి కొత్త మార్గం తెరుచుకుంది. ఐఐఐటీ-ఢిల్లీ, ఎంఎస్ స్వామినాథన్ రీసెర్చ్ ఫౌండేషన్ సంయుక్తంగా ‘సికిల్’ పేరుతో బహుళ ఉపగ్రహ డేటాసెట్‌ను అభివృద్ధి చేశాయి.
ఇందులో 21 రకాల పంటలకు సంబంధించిన 388 ప్లాట్ల నుంచి సేకరించిన సుమారు 2,09,000 ఉపగ్రహ చిత్రాలు, క్షేత్రస్థాయి సమాచారం ఉన్నాయి. ఈ ఏఐ వ్యవస్థ పంటను గుర్తించి, ఎదుగుదల దశలను ట్రాక్ చేసి, దిగుబడిని ముందుగానే అంచనా వేస్తుంది.
ఇలాంటి సాంకేతికత తెలుగు రాష్ట్రాల్లోనూ అమలైతే పంట బీమా, నష్ట అంచనా, మార్కెట్ ప్రణాళికలో రైతులకు ఉపయోగపడుతుందని నిపుణులు అంటున్నారు.
