హైదరాబాద్‌లో గణేశ్ నిమజ్జన కార్యక్రమం ముగియడంతో నగరం సాధారణ స్థితికి చేరుకుంటోంది. ట్యాంక్‌బండ్, ఎన్టీఆర్ మార్గ్, నెక్లెస్ రోడ్ పరిసరాల్లో విధించిన ట్రాఫిక్ ఆంక్షలను పోలీసులు ఎత్తివేశారు.
జీహెచ్ఎంసీ బృందాలు నిమజ్జన ప్రదేశాలు, ఊరేగింపు మార్గాల్లో శుభ్రత పనులను ముమ్మరం చేశాయి. పూలు, ప్లాస్టిక్ వ్యర్థాలను వేరు చేసి తరలిస్తున్నారు.
హుస్సేన్‌సాగర్‌లో నీటి నాణ్యతను పునరుద్ధరించేందుకు ప్రత్యేక చర్యలు చేపట్టనున్నట్లు అధికారులు తెలిపారు.
