భారీ వర్షాలతో పంటలు దెబ్బతిన్న రైతులకు పరిహారం అందించేందుకు ప్రభుత్వం క్షేత్రస్థాయి ఎన్యుమరేషన్ చేపట్టింది.
- పంట నష్టపోయిన రైతులు వెంటనే గ్రామ సచివాలయం లేదా రైతు భరోసా కేంద్రంలో వివరాలు నమోదు చేసుకోవాలి.
- పట్టాదారు పాసు పుస్తకం, ఆధార్, బ్యాంకు ఖాతా వివరాలు సిద్ధంగా ఉంచుకోవాలి.
- కౌలు రైతులు సీసీఆర్‌సీ కార్డు చూపించాలి.
- ఎన్యుమరేషన్ జాబితాలను గ్రామ పంచాయతీ నోటీసు బోర్డులో ప్రదర్శిస్తారు; పేరు లేకపోతే అభ్యంతరం తెలపవచ్చు.
- పంట బీమా ఉన్నవారు సంబంధిత బీమా సంస్థకు కూడా సమాచారం ఇవ్వాలి.
నష్టం అంచనా నివేదికల ఆధారంగా ఇన్‌పుట్ సబ్సిడీ విడుదల చేస్తామని అధికారులు తెలిపారు.
