కాళోజీ నారాయణరావు ఆరోగ్య విశ్వవిద్యాలయం (కేఎన్ఆర్‌యూహెచ్ఎస్) 2026-27 బీడీఎస్ ప్రవేశాల కోసం రెండో దశ వెబ్ కౌన్సెలింగ్‌ను ప్రకటించింది. కాంపిటెంట్ అథారిటీ కోటా కింద ప్రభుత్వ, ప్రైవేటు దంత వైద్య కళాశాలల్లోని సీట్లకు ఈ కౌన్సెలింగ్ జరుగుతుంది.
అర్హులైన అభ్యర్థులు సెప్టెంబర్ 16 నుంచి 18 వరకు యూనివర్సిటీ వెబ్‌సైట్‌లో లాగిన్ అయి కళాశాలల ఆప్షన్లు ఇవ్వాలి. మొదటి దశలో సీటు రాని వారు, కొత్తగా అర్హత పొందిన వారు పాల్గొనవచ్చు.
సీట్ల కేటాయింపు వివరాలను యూనివర్సిటీ వెబ్‌సైట్‌లో ప్రకటిస్తారు. అభ్యర్థులు ఆప్షన్లు ఇచ్చే ముందు ఫీజు వివరాలను పరిశీలించాలని సూచించారు.
