తెలుగు సినీ సంగీత ప్రపంచంలో చెరగని ముద్ర వేసిన గాన గంధర్వుడు ఎస్పీ బాలసుబ్రహ్మణ్యం వర్ధంతి సందర్భంగా పలువురు ప్రముఖులు నివాళులర్పించారు.
వైఎస్సార్సీపీ అధినేత వైఎస్ జగన్ మోహన్ రెడ్డి ఆయనకు ఘన నివాళి అర్పిస్తూ, తెలుగు సంగీతానికి ఆయన చేసిన సేవలు అజరామరమని పేర్కొన్నారు.
40 వేలకు పైగా పాటలు పాడి గిన్నిస్ రికార్డు సృష్టించిన ఎస్పీబీ, గాయకుడిగానే కాక నటుడిగా, డబ్బింగ్ ఆర్టిస్టుగా, సంగీత దర్శకుడిగానూ రాణించారు.
