హైదరాబాద్ రియల్ ఎస్టేట్ మార్కెట్‌లో ఆగస్టు నెలలో స్వల్ప మందగమనం కనిపించింది. నగరంలో 5,937 గృహ రిజిస్ట్రేషన్లు నమోదు కాగా, గత ఏడాది ఇదే నెలతో పోలిస్తే ఇది 9 శాతం తక్కువ.
ఈ లావాదేవీల మొత్తం విలువ రూ.4,576 కోట్లుగా నమోదైంది. అయితే జనవరి నుంచి ఆగస్టు వరకు చూస్తే 50,095 యూనిట్ల రిజిస్ట్రేషన్లతో 2 శాతం వృద్ధి నమోదైంది.
ప్రీమియం విభాగంలో డిమాండ్ కొనసాగుతుండగా, మధ్యతరగతి విభాగంలో వడ్డీ రేట్లు, ధరల ప్రభావం కనిపిస్తోందని నిపుణులు చెబుతున్నారు.
