భూముల వివాదంపై తెలంగాణ రాజకీయాలు వేడెక్కాయి. 22-ఏ జాబితాలో భూములను చేర్చడం, తొలగించడంపై శ్వేతపత్రం విడుదల చేయాలని, మొత్తం వ్యవహారంపై న్యాయ విచారణ జరిపించాలని బీఆర్ఎస్ నేత టి. హరీశ్ రావు ముఖ్యమంత్రికి సవాల్ విసిరారు. బాధితులకు ఉపశమనం కల్పించడంలో ప్రభుత్వం విఫలమైందని ఆయన విమర్శించారు.
మరోవైపు ధరణి, భూ భారతి భూ రికార్డుల వ్యవస్థల దుర్వినియోగం జరిగిందని కేంద్ర మంత్రి బండి సంజయ్ ఆరోపించారు. అక్రమాలపై ముఖ్యమంత్రి ఇంత ఆలస్యంగా ఎందుకు స్పందించారని ఆయన ప్రశ్నించారు. భూ బదిలీల వివరాలను బహిర్గతం చేయాలని బీజేపీ నేత ఏలేటి మహేశ్వర్ రెడ్డి డిమాండ్ చేశారు.
అసెంబ్లీ సమావేశాల్లో ముఖ్యమంత్రి రేవంత్ రెడ్డి బీఆర్ఎస్ నేతలపై ‘క్షుద్రపూజల’ ఆరోపణలను మళ్లీ ప్రస్తావించడం సభలో వాడివేడి చర్చకు దారితీసింది.
