ఖరీఫ్ సీజన్ చివరి దశకు చేరుకున్నా రాయలసీమలో వర్షాలు లేక కరవు పరిస్థితులు నెలకొన్నాయి. సుమారు 2 లక్షల ఎకరాల్లో సాగు జరగకుండా భూములు బీడుగా మిగిలిపోయాయి.
వ్యవసాయ పనులు లేకపోవడంతో జేసీబీలు, ఎర్త్‌మూవర్లు, కంబైన్ హార్వెస్టర్లు వంటి యంత్రాలు నిరుపయోగంగా నిలిచిపోయాయి. యంత్రాలపై పెట్టుబడి పెట్టిన వారు, కూలీలు ఉపాధి కోల్పోయారు.
కరవు మండలాలను ప్రకటించి రైతులకు పంట బీమా, ఇన్‌పుట్ సబ్సిడీ అందించాలని రైతు సంఘాలు ప్రభుత్వాన్ని కోరుతున్నాయి.
