ఆంధ్రప్రదేశ్‌లోని అయ్యలవారిపల్లి గ్రామంలో వినాయక చవితి పూజా హక్కుల వేలం రికార్డు స్థాయికి చేరింది. బెంగళూరులో స్థిరపడి కర్ణాటకలో వ్యాపారాలు చేస్తున్న ఈ గ్రామానికి చెందిన ఇద్దరు వ్యక్తులు రూ.51 లక్షలకు ఈ హక్కులను దక్కించుకున్నారు.
వేలం ద్వారా వచ్చిన మొత్తాన్ని ఆలయ అభివృద్ధి, గ్రామ సౌకర్యాలకు వినియోగించనున్నట్లు గ్రామ పెద్దలు తెలిపారు.
గ్రామ దేవుడిపై భక్తితో ఎంత దూరంలో ఉన్నా స్వగ్రామానికి సేవ చేయాలన్న తపనతోనే వేలంలో పాల్గొన్నామని విజేతలు చెప్పారు.
